Do 1 ao 14 de outubro na Sala de exposicións do Edificio Liceo.
Praza de Galicia, s/n. Betanzos (A Coruña)
En todas as edicións contamos con diferentes tipos de exposicións relativas ao mundo dos monicreques e a súa difusión.
Nesta ocasión, centrarémonos na temática dos monicreques en Hispanoamérica, en relación coa programación especial que desenvolveremos na XIV edición do festival.
A través da mostra Títeres en Hispanoamérica, percorreremos, a través de distintas pezas, obxectos, decorados, elementos de atrezzo... a traxectoria, os principais estilos de construción, así como os casos máis representativos de espectáculos nos diversos países: Arxentina, Colombia, Perú, México, España...
O obxectivo é tratar de recrear a historia dos monicreques nestas culturas tan diversas, aproximándonos á influencia que, ás veces, a mitoloxía exerce nas súas obras, coñecer como se difunden este tipo de espectáculos entre as súas xentes, etc.
Español
Galego